最平電話卡2022｜SoSIM/自由鳥/MO SIM等電話卡價錢及數據比較

最平電話卡有咩揀？而家手機上網、打電話不一定要上台，市面上推出無合約電話plan價錢較抵，數據用量又多，自行加額外增值服務又得，以下比較平價SIM卡服務及價錢，包括SoSIM、自由鳥、MO SIM、Club Sim，選擇最平最抵玩，又適合自己用的電話卡！

手機月費計劃與無合約電話卡分別：

手機月費計劃一般是上台有合約，分 12個月、24個月及 36個月不等，出機上台回贈更抵，有5G Plan選擇，不過彈性較無合約電話卡低，如不滿意服務計劃需等合約完成才能轉台，提早終止服務要賠手續費。無合約電話卡如SoSIM、自由鳥、MO SIM、Clun S暫時未有5G Plan，多為4G Plan，標榜數據多，隨時轉台都得，可以自由更改數據計劃，共和SmarTone、3 HK及CSL網絡，不過無出機上台優惠，信用卡優惠亦較少，有問題時要自己打電話或inbox客服去幫忙，而不似手機月費計劃用戶可到門市求助。

留意不少平價手機月費計劃的數據是假無限，速度慢，而同樣價位甚至更平的無合約電話卡多為全速，適合數據用量高又追求快的人。

適合用無合約電話卡的人？

無出機上台需求
想自由更改數據計劃
數據用量高又想電話費便宜
想自由轉台的人
暫無5G需求

最平電話卡價錢及數據比較：

電訊商	最平價錢	數據	通話分鐘	留言信箱
SoSIM	HK$33/30日 HK$88/90日	50GB 120GB	5,000分鐘 10,000分鐘	+HK$5
自由鳥	HK$50/月 HK$120/月	600MB 6GB	1,000分鐘 3,000分鐘	本身有
MO	HK$48 HK$58	600MB 1GB	無限	無
Club Sim	HK$58	20GB (其後無限128kbps）	無限	無

（請按連結往下看各SIM卡優惠詳情）

平價SIM卡：1. SoSIM

SoSIM為3香港及百佳推出的電話SIM卡，主打HK$33一個月有50GB任用數據（42Mbps）及5,000分鐘本地通話，其後再增值會升級至60GB 30日。如果覺得自己一個月50GB或60GB太多，可以選擇HK$88/90日，有120GB，除開一個月40GB，不過本身計劃無包留言信箱功能，要額外加HK$5/30日。

SoSIM攜號轉台功能：

先於百佳、屈臣氏買一張SoSIM（隨機電話號碼），啟動後於SoSIM手機應用程式申請轉台，留意只支援非3香港的電話號碼轉台，如本身是3台（或MO），可轉自其他無月費計劃再轉到自由鳥。（轉台詳情看下文）

SoSIM增值方法：

於百佳、屈臣氏增值
於SoSIM網上增值

SoSIM優惠：

增值HK$200額外賞20％（HK$40）
增值HK$300額外賞25%（HK$75）
增值HK400額外賞30%（HK$120）
於百佳及屈臣氏增值享「10倍易賞錢」

SoSIM詳情

更多SoSIM文章：

其他：最平5G寬頻2022！速度價錢比較｜同傳統光纖寬頻有咩分別？

回到頁首

平價SIM卡：2. 自由鳥

自由鳥用SmarTone 4.5G網絡（42Mbps）HK$70一個月只有2GB及2,000通話分鐘，用完後可用不高於128kbps速度繼續無限上網，不過速度與全速相差甚遠。同時有HK$120/6GB、HK$160/9GB、HK$200/15GB及HK$250/無限全速數據，所有計劃都包留言信箱。有Citi信用卡及學生計劃用自由鳥就平得多，而且有「種GB的自由鳥」手機遊戲種數據，有eSIM功能。

自由鳥學生Plan：

自由鳥近期優惠：

月費6折優惠：HK$98首16GB全速、HK$120首30GB全速、HK$198首60GB全速
學生頭1個月HK$1：A/其後每月HK$68，首8GB全速；B/其後每月HK$98，首15GB全速

「種GB的自由鳥」玩法：

經營農場賺金幣，便可轉化成數據，每月可轉GB如下：

HK$50服務計劃，每月可傳送0.2GB
HK$70 服務計劃，每月可傳送0.5GB
HK$120服務計劃，每月可傳送1GB
HK$160服務計劃，每月可傳送1.5GB
HK$200服務計劃，每月可傳送2GB
HK$250服務計劃，每月可傳送2GB

（遊戲暫時完結，自由鳥預告將推出新遊戲）

自由鳥詳情

回到頁首

平價SIM卡：3. MO SIM

同為3香港旗下的MO SIM，主打可DIY數據計劃，月費由HK$48起，行4.5G高速上網（42Mbps），自行揀4.5G 全速本地數據及社交數據，任何計劃都有無限通話分鐘。最多可揀15GB數據加20GB社交數據，盛惠HK$198/月，留意無法額外加留言信箱服務。

MO詳情

如不想麻煩自行揀數據配搭及想有留言信箱服務，可用升級版MO+，不過並非無合約計劃，想轉走就轉走，會變回普通上台卡計月費。攜號轉台plan，最平8GB及3,000通話分鐘，其後任用不多於128Kbps速度的數據，平均月費HK$68，但要駁死12個月至28個月不等。HK$120任用數據Plan繼承了3香港的公平數據計劃，只要用超過5GB有機會變回128Kbps的低速，但有任用的社交數據。

MO+詳情

回到頁首

平價SIM卡：4. Club Sim

Club Sim網絡為csl，分HK$58/20GB、HK$88/40GB、HK$128/80GB，適合高數據用量人士，有無限通話分鐘，有eSIM、二合一Sim+MicroSD卡選擇，暫時未有留言信箱增值服務。由於同為csl旗下，所以有類似csl的增值服務，如Now E 連環娛樂組合、hmvod組合等。用Mastercard有優惠月費計劃。